યાદોની ડાયરી...

યાદોની ડાયરી ના કેટલાક પાના ઉથલાવ્યા આજે,
જૂના મિત્રો સાથેના સંબધો વાગોળ્યા આજે,
લાગ્યુ કે કોઈ ટાઇમ મશીનમાં સફર કરી આવ્યો આજે,
વીતેલા વર્ષોને ફરી જીવી આવ્યો આજે.

જિંદગીની ભાગ-દોડમાં દિવસો નીકળે છે, વર્ષો વીતે છે,
પણ સૂરજ આથમતા, ઍકાન્તની સોડમાં, કઈંક તો ખૂટે છે.

જિંદગી તૂ  આપે છે ખુશી;
પણ ઍનિ ઉજવણી કરવા મિત્રો ક્યાંથી લાવું?
ને વળી તારા આપેલા દર્દમાં;
રડવા માટે ખભા ક્યાંથી લાવું?

ક્યારેક તૂ, તો ક્યારેક તારી બદમાશી યાદ આવે છે,
અને ક્યારેક ઉલ્ટા કામો માં પણ,
સાથ આપવાની તારી વફાદરી યાદ આવે છે.

આપણે ગપ્પા જ્યાં મારતા, કલાકો જ્યાં કાઢતા,
ઍ "વર્લ્ડ હેરિટેજ સાઇટ" ને માનસપટ પર અંકિત કરી લીધી છે;
લોકો ભલે ઍને ચા ની કીટલી કહેતા,
પણ આપણે તો ઍની દરેક સુંગધને શ્વાસોમાં કેદ કરી લીધી છે.

કોણ જાણે ફરી પાછા ક્યારે મળશુ,
મુક્ત મને જિંદગીને ક્યારે માણશુ.

સમય સમય ની વાત છે બધી,
ત્યારે ખિસ્સા ખાલી હતા, અને મન હળવુ હતુ,
આજે ભરેલા ખીસ્સા છે અને મન ભારે છે!!!